Euskara eta Euskal Herriko eskubide demokratikoak errespetatu!

Martxoak 13: denok Bilbora Manifestazioa 17:30ean

Isabel Celaa Jaurlaritzako Hezkuntza Sailburuak azaroan aurkeztutako dekretu proiektuetan aldaketa nagusia hezkuntzan euskara lehen hizkuntzatzat  ez hartzea da . “Aukeratzeko eskubidea” bermatzea eta “hizkuntzen arteko berdintasuna”  lortzea diote dela haien helburua.  Teorian ondo egon litzateken leloak, errealitatera eramatean guztiz kontrakoak bihurtzen dira. Gaztelania eta euskararen egoera ez da batere berdina. Izan ere, euskara urtetan baztertuta egon ondoren eta oraindik gaur egun Euskadiko %41k ez dakienean, berdintasuna aldarrikatzea guztiz kontrakoa esan nahi du: gaztelera pribilegiatzea da eta euskara baztertzea. Hau da, hain zuzen ere, UPN-k eta  PP-k Nafarroan betidanik egin duten politika, orain indartu nahi dutena. Ingelesa irakastearen aitzakiaz baliatuz, euskararen irakaskuntza are gehiago murriztu nahi dute.

Eskubide demokratikoen zapalketa

Euskararen kontrako neurriak beste eskubide demokratikoen murrizketarekin batera datozte. Aipatutako dekretuek Euskal Herria izendapen politiko bezala testuliburuetatik desagerraraztea planteatzen dute.  Bestaldetik, Euskal Herriko Unibertsitateak eta Ertzaintzak sinatu nahi dute hitzarmen bat, “segurtasuna” bermatzeko aitzakiarekin ikasle mugimendua erreprimitzeko. Are larriagoa da adierazpen, manifestazio eta elkarketa eskubideen zapalketa. Honen adibide garbia ezker abertzaleko kideak izateagatik 34 gazteren atxiloketa izan zen.Hau baimentzen duen “Alderdien lege” erreakzionarioaren kontra gaude, estatu osoko langile mugimenduaren eta gazteriaren aurka ere erabili dena.
Eskumarako ezinbestekoa izan da beti eskubide demokratikoak erasotzea, haien neurriei masiboki erantzun diezaiegun sahiesteko modu bezala.  Ez bakarrik PPrena, euskal eskuinarena ere. PNV-EAJ-k eta EAk, euskal kapitalisten ordezkariak, gobernuan zeudenean gogor aritu ziren haiek sortutako Ertzaintzarekin eskubideak ukatzen. Euskaren kasua berdina da. Orain krokodiloen malkoak botatzen daude, baina 30 urtez egon ziren agintean eta ez zuten euskararen egoera konpondu. Are gehiago, hiru ereduak (A,B eta D) ezarriz ikasleak zatitu gintuzten, eta D eredukoentzat izan ezik, euskararen benetako ikasketa ezinezkoa egin zuten.

Gure aldarrikapenak

PSEren gobernuak, PPrekin daukan akordioa hautsi beharko luke, eta Euskal Herriko eskubide demokratikoak defendatu, haien artean euskara. Galizian, orain dela gutxi, PPk galegoaren aurkako dekretu bat aurkeztu eta hezkuntza komunitatearen erantzun masiboa eragin zuen. Urtarrilaren 21an irakasleen sindikatuek eta Ikasle Sindikatuak greba orokorrera deitu zuten eta PSOEk Galizian horren alde agertu zen. Katalunian, non PSOEk koalizioan agintzen duen, eredu bakarra dago, ikasgai guztiak katalanez izanik eta horrela hezkuntza honen ikasketa bermatuz. Honek ikasleak eta langile klasea hizkuntzagatik zatitzea eragozten du. Izan ere, eskumak langile klasea eta gazteak zatitzeko eta horrela ahultzeko elementuak bilatzen ditu beti, etorkinen kriminalizazioan ikus daitekeen bezala.

Euskararen defentsa hezkuntza publikoaren defentsarekin lotuta joan behar da, ez euskara ezta irakaskuntza orokorrean ez bailukete pribilegioa izan behar (eta aldi berean negozio bat beste batzuentzat). Era berean, euskaltegiak edo helduei irakasteko kurtsoak dohain izan behar dira. Hala ere, honekin ez da aski: kalean, lantokian, lagunekin, denbora librean…gaztelaina da nagusi. Beharrezkoa da bizitzako esparru guztietara euskara eramatea, langileek lanorduen barruan (soldata murrizketarik gabe) ikasteko aukera izatea; aldizkari, film eta abar euskaraz eskaintzea… Baina bizi garen sisteman, kapitalismoan, hau ezinezkoa da, etekinik handiena bilatzean oinarrituta baitago, eta kapitalistek dirua lortzeko inbertitzen dute ez giza-beharrik asetzeko  edo kultura sustatzeko. Horregatik euskaren aldeko borroka hezkuntza publikoaren aldekoarekin batu behar direla uste dugu, sozialismoaren aldeko borrokaren parte bezala. Estatu espainoleko PSOEko gobernuak PPren aurrean amore eman du “hezkuntza akordioarekin”. Hitzarmen honek, eskubide demokratikoak murriztu eta hezkuntza pribatizatzea helburu duena, Celaaren dekretuen sustrai bera dauka: eskuinari kontzesioak egitea. Horregatik aldarrikapen hauek indar handiagoa izateko batu behar direla uste dugu, bai Euskal Herrian bai Estatu espainol osoan hezkuntza publikoa eta eskubide demokratikoen alde batera borrokatuz.

Krisi kapitalista

Mundu kapitalista 70 urtetan bizi izan duen krisirik sakonenean murgildurik dago. Eta ez da izan bankari “maltzur” batzuengatik, sistema kapitalistaren funtzionamendurengatik baizik. Aberastasuna gutxi batzuen eskutan pilatzen da, munduko biztanleriaren gehiengoak pobre bizitzera behartuz. Krisia langileok eta gazteok ordain ez dezagun, ezkerrezko alternatiba baten alde borrokatu behar dugu: